Har same problemstillings sjølv. Kjøpte difor presse til 15000 i fjor, og jaktar på passande pakkar. Det ser ut til å bli verste nøtta å knekke innan eit leveleg budsjett.
Motivasjonen min er enkel: Eg er ein alt for liten kunde til at ein entreprenør kan ta seg tid til skikkeleg fortørking etc. Entreprenørpressa ballar betydde mykje arbeid med øks vinterstid, mens sjølvpressa ball (utan kutting) kunne rullast fint ut, utan særlege frostproblem. Delar av jorda mi toler nesten ingenting, så bruk av entreprenør ville enten betydd store kostnader til grøfting, eller brakklegging. No kan eg bruke liten traktor med tvilling, og kjem fram nesten når som helst.
Eg ser absolutt poenget med at det rekna pr. ball kan lønne seg å leige entreprenør, men mitt reknestykke omfattar fleire faktorar. Til dømes at eg ved godt ver kan lage høy, og kjem det regn, kan eg straks balle nesten tørt gras og likevel berge god kvalitet, når det passar meg. Så får eg heller bruke litt meir tid på å skru.

Tidsbruken kjem heilt an på transportavstand, tilgang på mannskap, korleis teigane dine ser ut osv. Under ugreie forhold klarer eg åleine 20 ballar på ein lang ettermiddag/kveld.
Pakking er jo best jo før jo heller, men også det er jo eit kompromiss. Så lenge bøndene i Gudbrandsdalen pressar ballen på fjellet, ventar på transport med tømmerbilen og pakkar ballane etter avlasting nede i dalbotnen, bør det jo gå bra for oss andre å bruke nokre timar og.

Vi er i ferd med å gå over frå silo til rundball. Kjøpte presse i fjor, ei Welger RP 12, som er heilt grei til vårt bruk. No treng vi eigen pakkar. Har leigd ein bordpakkar med fjernstyring, og den er jo genial, men den krev eigen traktor til lasting.
Ballane blir dels produsert heime, dels på leigejord såpass langt unna at vi køyrer dei upakka på hengar til pakking ved lagerplass heime. Vi trur det kan vere lurt med ein sjølvlastande pakkar, for då kan vi handtere ballane heime utan ekstra traktor. Kan vi klare å tippe slik at ein slik pakkar sjølv kan ta att og pakke ballane frå transporttraktoren når vi hentar ballar frå andre teigar? Vil ein av desse pakkarane, eller tilsvarande, klare å legge frå seg så ballane ligg bra til lagring? Pakketraktor er ein Valtra 700 (har lastar, men vil gjerne ha pakkaren bak pga stabilitet når vi plukkar opp ballar heime).
Kva bør vi velje? Eit dilemma er at prisen ikkje bør vere mykje over 20 000.

Eg lurer på det same...

Har to aktuelle RP 12 i kikkerten. Den eine med nettbinding, den andre med tråbinding. Eg innbiller meg at nett er ein fordel, men har eg rett?

Eg spekulerer på grasmekaniseringa på garden. Har litt sære forutsetningar: Dels noko sidehelling, dels svært bæresvak jord. Mange småteigar (i dagens målestokk). Dårleg tilgang på entreprenørar, i alle fall med passande utstyr. Lurer difor på å kjøpe ei eiga presse, som helst skal gå bak dagens lette slåttetraktor på ca 50 hk. Ein ting til: Dagens nivå på buskapen gir ikkje det heilt store spelerommet, reint økonomisk. Har håp om at det skal bli betre på sikt, men dumt å bruke opp for mykje pengar no i oppbyggingsfasen.
Nokon som har tips, erfaringar og gode råd? Lurer mellom anna på Welger RP 12 versus Krone 125.
Og ja, eg veit at vi må ha kuttar, og at frost kan vere ugreit.